UKARA PAKON/HAGNYA & UKARA SAMBAWA

 

1.    UKARA PAKON/HAGNYA

yaiku ukara kang nggunakake tembung-tembung kang oleh panambang “-a,  -na, - ana” surasane awujud pakon utawa prentah marang wong liya supaya nindakake pakaryan kaya kang dikarepake sing kongkon.

Ukara pakon bisa diarani ukara prentah/kalimat perintah.

Tuladha:

-          Adusa dhisik terus sarapan.

(Adusa tegese akon supaya adus.)

-          Sinaua sing sregep supaya pinter.

(Sinaua tegese akon supaya sinau.)

-          Mangana sing akeh supaya cepet sehat.

(Mangana tegese akon supaya mangan.)

 

2.    UKARA SAMBAWA

yaiku ukara nggunakake tembung-tembung kang oleh panambang “a, na, ana”  kang tegese: umpama (seumpama, seandainya), sanajan (meskipun), pengarep-arep, muga-muga, mokal.

Tuladha:

-          Udana ya sing deres ben parine lemu.

(Udana tegese muga-muga udan.)

-          Dituturana bola-bali yen ora nggatekake ya percuma.

(Dituturana tegese sanajan/meskipun dituturi.)

-          Mangana mau-mau aku ora didukani ibu.

(Mangana tegese umpama mangan mau-mau.)